• Page 1 of 1
  • 1
Forum moderator: DURDON, SAKINA  
Forum » ISLOM » Quron duolari va hadislar! » Қуръон ёдлашнинг энг яхши йўли қандай? (Қуръон ёдлашнинг энг яхши йўли қандай?)
Қуръон ёдлашнинг энг яхши йўли қандай?
SANJAR80Date: Seshanba, 05-May-2009, 17:18 | Message # 1
Group: Ishonchli
Messages: 3741
Status:

Қуръон ёдлашнинг йўллари турлича бўлиб уларнинг баъзилари булардир:

1) Аллоҳ учун холис бўлиши, риё-хўжакўрсинга бўлиб колишидан сақланиш. Чунки, қиёмат куни жаҳаннам биринчи бўлиб, Қори!- дейилиши учун Қуръон ўкиган киши учун қиздирилади. Сизнинг Қуръон ўкишдан максадингиз Аллоҳдан бўладиган ажр-мукофот ва қуйидаги хадисларда зикр килинган мартаба ва даражалар бўлсин!.
Охиратда: «Ўқи ва юқори даражага кўтарил, дунёда тиловат қилганинг каби тиловат кил, сенинг манзилинг сен ўқиб бориб тўхтаган энг охирги оят олдидадир» дейилади. (Бу хадисни Термизий: 2914 ва Абу Довуд: 1464 -хадисда Аблуллох ибн Амр ибн ал Ос розияллоху анҳумодан ривоят килдилар).
Расулуллоҳ саллаллоҳу алайҳи васаллам: «Сизларнинг яхшироғингиз Қуръонни ўрганиб, уни ўргатган кишидир» дедилар. (Бу хадисни Бухорий 5027- хадисда Усмон розияллоҳу анҳудан ривоят қилганлар).
Анас ибн Молик розияллоҳу анҳу ривоят килиб, дедилар: Расулуллох саллаллоҳу алайҳи ва саллам: «Одамлар орасида Аллоҳ таолонинг аҳли бордир. — дедилар». Ё Расулуллох саллаллоҳу алайхи васаллам улар кимлар? — деб сўрадилар: Пайғамбар саллаллоҳу алайҳи васаллам «Улар Қуръон аҳли, Аллоҳнинг ахли ва унинг хос кишиларидир»— дея жавоб бердилар. (Ибн Можа саҳиҳ санад билан 215- ҳадисда ривоят килдилар).
2) Замонавий янги жиҳозлар ва алоқа воситаларидан фойдаланиб тоқатингизга қараб, мумкин қадар қироатни тузатиш. Бироқ булар қироатни яхши биладиган устоздан бехожат қилолмайди.
3) Ёдланган жойларни дафтарга белгилаб кўйиб, бир хафта, ўн кун ёки узоғи билан икки хафтага бўлиб, узуликсиз такрорлаб турасиз токи бу эсда яхши сакланиб колсин.
4) (3 ракамда айтилганидек) Белгиланган кунлик ўтган дарсларни такрорлаб бўлгандан сўнг, янгисини ёдлашга киришинг. Агар такрорни яхши килмаган бўлсангиз янги ёдлашга киришманг. Бу сизга фойдали ва тез ёдлашингиз учун яхшидир.
5) Янги ёдлаганингиз мустахкам бўлиши учун шу куннинг ўзида кучингиз етганича такрор килинг.
6) Янги ёдлаганингизни тўрт кун кетма-кет такрор килинг сўнг (3-ракамдаги) умумий такрорга кўшиб кўйинг.
7) Озрок бўлса хам зерикиш ва малолланиш хосил бўлмайдиган микдорда ёдланг. Гап узлуксиз давомли ёдлашдадир. Чунки, йўлда тўхтамай юрган манзилга етади, отининг чопкирлигига суяниб дангасалик килган одам манзилга хам етолмайди отини хам халок килади.
8) Факат бир хил Қуръондан ёдланг, уни бошка нусхага ўзгартирманг. Агар ёзуви катта-катта бўлса ёдлаш хатодан холирок бўлади.
9) Янги ёдлаганни аввалгиси билан богланг. Аввалги дарснинг охирги оятини янги ёдланган дарснинг бош ояти билан доимо боғлаб кетинг.
10) Агар араб тилини билсангиз) мухтасар тафсирлардан фойдаланинг, тушуниш билан ёдлаш тезлашади.
11) Ёдланган сураларни намозда ва холи вактингизда ўкишни машк килинг.
12) Такрорлаш тўла суратда давом этиши учун хафтада бир кунни таъйинлаш лозим. Бу кунда кайтара олмай колган кунларингиздаги карзларингизни адо киласиз.
13) Ўзингизга муносиб вактларни танлаб олинг, акл жамланиб турганда ёдлаш хам осон, хам яхши бўлади.
14) Аллоҳга боғланишни ва сизга Қуръонни ёдлашни енгил килиши хамда бу ишда сизга муваффақият беришини сўраб дуони кўпрок килинг.
15) Гуноҳлардан сақланинг. Хусусан, кўз ва қулоқ гуноҳларидан сакланинг.
Қуръон ёдлашнинг булардан бошка йўллари хам бор, уларни зикр килсак гап чўзилиб кетади. Уларга кўпрок изланиш ва ўзингиз каби ўртогларингиздан сўрашлик билан эришасиз.

Аллоҳ сизга тавфиқ берсин ва сизу бизни Қуръон аҳлидан қилсин!


 
bushroDate: Yakshanba, 10-May-2009, 00:10 | Message # 2
Eng tajribali
Group: Ishonchli
Messages: 721
Status:
SANJAR80, raxmat katatkon Alloh rozi bo`lsin
Аллоҳ сизга тавфиқ берсин ва сизу бизни Қуръон аҳлидан қилсин!
aytganiz kelsin amiyn



 
SANJAR80Date: Yakshanba, 10-May-2009, 19:54 | Message # 3
Group: Ishonchli
Messages: 3741
Status:
nigina, aytganinggiz kelsin amiyn

 
MASTERDate: Seshanba, 12-May-2009, 11:21 | Message # 4
Adminstrator
Group: ADMINISTRATOR
Messages: 7270
Status:
SANJAR80, Ofarin
 
DURDONDate: Payshanba, 10-Okt-2013, 07:58 | Message # 5
SUPER ADMINKA
Group: Admin yordamchisi
Messages: 10134
Status:
Ҳар бир мусулмон Қуръони Каримнинг сураларини ўқиб ёдолишга ҳаракат қилади. Сизларга Қуръонни эслаб қолиш жараёнини енгиллаштирувчи баъзи бир маслаҳатларимизни келтирамиз.

1. Чин қалбдан исташлик. Фақат Аллоҳ ва Унинг розилиги учунАллоҳнинг марҳаматига сазовор бўлиш учун қилаётганингизга амин бўлинг. Риёкорлик қилманг, одамларга мақтаниш учун Қуръонни ёдламанг.

2. Доимийлик. Қанчалик кўпроқ оятларни ёд олишга вақтингизни ажратсангиз, ёд олиш жараёни шунчалик енгил кечади. Бир кунни ҳам қолдирмаслик жуда муҳимдир. Ҳеч бўлмаганда кунига 3 – 5 қатордан ёдлашингиз мумкин. Доимийликка амал қилсангиз, иншааллоҳ, 5-6 йилда ҳофиз бўлишингиз даргумон эмас.

3. Вақт. Кунингиз Қуръонни ўқиш билан бошланиши керак. Нонуштадан олдин бу ишни қилишга ҳаракат қилинг, чунки Қуръон – сизнинг маънавий озуқангиздир. Фажргача бўлган вақт – Қуръон ўқиш учун энг яхши пайтдир.

4. Шароит. Тинч жойда ҳоли қолиб, фикру – хаёлингизни Қуръонга жамланг. Сизни чалғитиши мумкин бўлган нарсаларни (масалан, мобил телефон, телевизор ва ҳоказо) ўчириб қўйинг.

5. Кунда бир вақтда бошланг, бир жойда ва бир мусхафдан фойдаланинг. Қуръон ўқиш – ҳаётингиз мазмунига айланиши керак.
6. Такрорлаш. Такрорлаш – ёд олишнинг калитидир.

7. Оятларнинг маънолари билан эслаб қолинг: оятни ёд олишдан олдин унинг маъносини тушуниб олинг.

8. Қайси оятни ёдолмоқчи бўлсангиз, уни олдин эшитиб кўриш лозим.Бу сизга талаффузингиздаги қийинчиликларни бартараф қилишга ёрдам беради ва эслаб қолиш қобилиятингизни чархлайди.

9. Сураларни яхши биладиган устозингиз бўлса дуруст. Ҳар куни ёд олган оятингизни текшириб турсин ёки сиз каби Қуръонни ёдолаётгантенгдошингиз билан бир-бирингизни текширинг.

10. Кундалик намозингизда ёд олганингизни ўқинг. Қандайдир қисми эсингиздан чиқиб қолса, ўша заҳоти Қуръонга қараб олиб хатоингизни тузатасиз ва қайта шу хатони қилмайсиз.

11. Кетма-кетликни сақланг. Бир сурани қийналаётганингиз учун ёдлаб бўлмасдан туриб, иккинчисига ўтманг. Ўзингиз учун қийин бўлган сурани «таслим бўлмас дан» охиригача олиб борганингиздан мамнун бўласиз.

12. Қулай фурсатда оятларни эслаб, қайтариб туриш учун доим ёнингизда Қуръондан нусха олиб юринг.

13. Дуо. Аллоҳдан доим Қуръонни эслаб қолишингизда енгилчилик беришини сўранг.

14. Сураларни овозингизни чиқариб ўқинг. Бу сизга нафақат талаффуз учун, балки ўзингизни эшитиш учун ҳам керакдир.

15. Ҳажмни белгиланг. Маълум вақт оралиғида қанча оят ёки сура ёд олмоқчилингизни белгилаб олинг. Оз-оздан бошлаб, асталик билан кўпайтириб боринг. Аллоҳ мададкорингиз бўлсин!

Эслатма: устоз билан араб ҳарфларининг талаффуз қоидаларини (маҳражни) ўрганмасдан туриб, Қуръонни ўқиш ҳам, ёд олиш ҳам мутлақо тўғри келмайди. Нотўғри талаффуз оятлар маъносини ўзгартириб юбориши мумкин. Бундан эса зарар борки, ҳеч қандай фойда йўқ.
Аёллар ҳайз вақтида қўлларига Қуръон мусҳафини олмайдилар ва овоз чиқариб ўқимайдилар. Фақат овоз чиқармасдан, ичларида қайтариш mumkin.



 
Forum » ISLOM » Quron duolari va hadislar! » Қуръон ёдлашнинг энг яхши йўли қандай? (Қуръон ёдлашнинг энг яхши йўли қандай?)
  • Page 1 of 1
  • 1
Search: