Archive - read only
Forum moderator: MASTER, DURDON, SAKINA  
Forum » ARXIV » Yopilgan mavzular » Kutubxona » OTA-ONA-larimiz haqida sherlar (<<c>>)
OTA-ONA-larimiz haqida sherlar
OshiqYigitDate: Shanba, 15-Sen-2012, 01:14 | Message # 61
Yahshi tajribali
Group: Ishonchli
Messages: 113
Status:
Ko'zlaringiz tushimga kiribdi bugun
Soginibman sizni, juda onajon!
Bo'sh qalbimga joylashdi motamsaro tun
Ovozingiz yuragimga kiribdi shu on...

Bu erlarda yuribman, nimalar izlab?!
Issiq qo'llaringiz qumsar dimog'im
Talpinadi yurak nimalar istab?!
Bir shirin so'zingiz istar qulog'im..
 
OshiqYigitDate: Shanba, 15-Sen-2012, 01:15 | Message # 62
Yahshi tajribali
Group: Ishonchli
Messages: 113
Status:
Ota meni o'ylab g'am ema,
Ko'nglim kuhna ovchining saydi
Meni bandi aylagan kema ,
Haliveri to'xtash bilmaydi

Kamalakka aylanar yo'lim
Goho g'amnok gohida sho'xman,
qaytishimni o'ylash kulgili,
Men miltiqdan otilgan o'qman

Manzilim qay kimning yuragi,
Xudo bilar qildingmi tusmol,
Qo'rqma mening sinmas kuragim
Qo'rqma mening o'ylarim halol.

Garchi qadah tuta boshladim,
Garchi qizlar tilin bilaman.
Meni mayxo'r deyolmas hechkim
Oshiqlari berib qo'ygan tan.
 
OshiqYigitDate: Shanba, 15-Sen-2012, 01:15 | Message # 63
Yahshi tajribali
Group: Ishonchli
Messages: 113
Status:
Ketmon emas qalamim ila
Kiprigimga ilaman erni,
Kechir meni otajon illo..
Portlab-portlab yashagim keldi.

Ketganim yo'q qishloqdan to'yib,
Ildizimni yaxshi bilaman.
Men zaminni kaftimga qo'yib
Bitta ulkan qishloq qilaman..

Faqat meni o'ylab g'am ema
Guldirakman ko'ngling bo'lsin to'q
Ota bo'lsang bilasan dema ,
Ota bo'lib ko'rganimcha yo'q
 
OshiqYigitDate: Shanba, 15-Sen-2012, 01:15 | Message # 64
Yahshi tajribali
Group: Ishonchli
Messages: 113
Status:
Hayot tashvishlari chulg’ab boshimni,

Sinamoqchi bo'lib sabr, bardoshimni.

Goh sevinch, goh g’amdan to'ksa yoshimni,

Sizni axtaraman, onajon.

Nuroniy keksalar davrasin ko'rsam,

Yurakda bir armon dardini tuysam,

Bafurja kimgadir gapirmoq bo'lsam,

Sizni axtaraman, onajon...
 
OshiqYigitDate: Shanba, 15-Sen-2012, 01:16 | Message # 65
Yahshi tajribali
Group: Ishonchli
Messages: 113
Status:
Topmoq - yo‘qotmoqdir,
Yo‘qotmoq – topmoq,
Sen so‘lib,
Men yashab,
To‘lishimga boq.
Sensiz topganimdan
Ko‘proq yo‘qotdim –
Sen meni yupatding,
Seni yig‘latdim,
Sen meni yaratding,
Seni tugatdim.
Uyalmay ONA deb,
Kelishimga boq!..
Sog‘inch haqda she’rlar
Yozdim o‘zimcha,
Mendan peshonangda
Dog‘lar tizimcha.
O‘g‘il bo‘lmay o‘lay,
Attangb ming attang.
Qiz tug‘sang netardi,
Ko‘proq qiz tug‘sang!..
Tirgak bo‘lolmadim
Bitta qizingga
Uyalmay shoirman
Deyishimga boq.
Joningdan aylanay,
Turgil jonajon,
Yo‘l qarab bo‘ldimi
Jigarginang qon?
Boqma, ko‘zlarimga
Bemajol, xasta,
Mening topganlarim
Gulmi bir dasta,
Yo‘qotganim senmi
Endi ONAJON?..
O‘z etimni o‘zim
Yeyishimga boq.
Bilsang yuragimni
Bir alam elar.
Buyursang qo‘limdan
Kelmaydi nelar,
Ayt,
Pichan yig‘aymi,
O‘tin yoraymi,
Yerni haydayinmi,
Ko‘k ag‘daraymi?..
Itdek oyog‘ingga
Suykalgim kelar –
Uchib-uchib, mana
Qo‘nishimga boq.
Hech narsa kerakmas,
Bolam, hech deysan.
Endi kech deysan-da,
Endi kech deysan.
Yuzimni bosaman
Muzday yuzingga,
ONAJON,
Zor qilib ketma izingga!
O‘lim oldida ham
G‘amimni yeysan,
Men-chi, jim, taqdirga
Ko‘nishimga boq.
She’rim bitdi,
Xayir,
Do‘stlar xush qoling.
Bedil yashamakka
O‘rganmang menday
Boring,
Volidangiz
Ko‘nglini oling,
Ertaga
Kech qolib
O‘rtanmang menday.
 
OshiqYigitDate: Shanba, 15-Sen-2012, 01:17 | Message # 66
Yahshi tajribali
Group: Ishonchli
Messages: 113
Status:
-Bu gal, -derdim yuragim toshib,
-Endi kelsam qolaman, ena...
Shafqati yo‘q bu kunlar shoshib,
Meni olib ketardi yana.

Topganini tuguncha qilib,
Qo‘llarimga tutqazar edi.
Meni zo‘rg‘a bag‘ridan yulib,
Mashinaga o‘tqazar edi.

Bazmlarga topar edim vaqt,
She’r o‘qirdim yona va yona.
Davralarni bilar edim baxt,
Sizga vaqtim yo‘q edi, ena.

Siz tog‘imni cho‘ktirib qo‘yib,
Ketar edim toqqa, lolaga.
Sizga azob chektirib qo‘yib,
Yayrar edim yashil dalada.
 
OshiqYigitDate: Shanba, 15-Sen-2012, 01:18 | Message # 67
Yahshi tajribali
Group: Ishonchli
Messages: 113
Status:
Majnuntolday egdirib Sizni,
Ketar edim terak bo‘lay deb.
Sizdan ayab bir tunlik so‘zni,
She’r yozardim yurak bo‘lay deb.

Chaqqon edim, roziydi mendan,
Ham uy, ham ish, ham majlisxona.
Shunchalar band edim-ki, chindan,
Sizga vaqtim yo‘q edi ena.

Kechiksam, ish kechirmas edi,
Koyinardi kechiksam, uyim.
Davralarning chiqardi dudi,
Faqat enam kutar edi jim.

Sha’n davralar ketdilar tarqab,
Bayramlari mensiz ham obod.
Goh dardlarim yig‘ilar qop-qop,
Yolg‘izlikdan solgim kelar dod.

Shunday g‘amlar bo‘lar ekanki,
Tushunmas ekan onangdan boshqa.
Tinglamaydi seni birovlar,
Boshlaringni ursang ham toshga.

Qabringizga chopaman bot-bot,
So‘zlashay deb qona va qona.
So‘ramaysiz holimni xayhot,
Endi Sizda vaqt yo‘qdir, ena...
 
OshiqYigitDate: Shanba, 15-Sen-2012, 01:18 | Message # 68
Yahshi tajribali
Group: Ishonchli
Messages: 113
Status:
Onam! Seni qutqarmoq uchun jonmi kerakdir?
Nomusmi, vijdon bila imonmi kerakdir?

Temur ila Chingiz qoni toshdi tomurimda -
Aytgil,Seni qutqarmoq uchun qonmi kerakdir?

Yov suqg'ali kelgach,qilichini yuragingga,
Tush oldiga,ol ko'ksumi - qalqonmi kerakdir?

Boq,boq,mana turk tengizi toshqun qila qoldi,
Turon yovini quvg'ali to'fonmi kerakdir?

Turon, yigiting,barchaga boq,qalqdi oyoqg'a,
Yurtda qorovul qo'yg'ali arslonmi kerakdir?
 
OshiqYigitDate: Shanba, 15-Sen-2012, 01:20 | Message # 69
Yahshi tajribali
Group: Ishonchli
Messages: 113
Status:
Jamoling ko’rgali keldim, ayo ey mehribon onam,
Mening uchun ado bo’lg’an yuragu bag’ri qon onam.

Xo’tan dashtiga tushtum bul falakning gardishi birlan,
Eshitkil arzi holimni, men aytay senga, jon onam.

Ajoyib mehribonimsan, meni oromi jonimsan,
Murodi du jahonimsan, bihishti jovidon onam.

Meni bir jodu ko’zluk bul jahon ichra xarob etti,
Qadi sarvu sanavbar, qoshlari misli kamon, onam.

Boshimga tushti bul savdo, bo’lubman bulbuli shaydo,
Shabistoni jahonda qumridek shakkarfishon onam.

Bu ishq o’ti xarob etti, yurak-bag’rim kabob etti,
Meni xoki turob etti yuzi mohi tobon onam.

Seni ko’p intizor ettim firoq o’tig’a, ey Ka’bam,
Tavofi Ka’bayi maqsuda keldim, dilkashon onam.

Iloho, avf qilg’aysan bu Mashrabning gunohini,
Tufayli onayi zorim, g’aribu notavon onam.
 
OshiqYigitDate: Shanba, 15-Sen-2012, 01:20 | Message # 70
Yahshi tajribali
Group: Ishonchli
Messages: 113
Status:
Bolaligim. Avji saraton
Dala. Tog‘u toshlar kuymakda.
Onam ishga otlanadi tong,
Rangi o‘ngib ketgan ko‘ylakda.

Naq taqimda sochini sochib,
Boyovutning shamoli sang‘ir.
Vafo qildi birgina sochi
Eplayolmay ro‘molda tang‘ir.

Borar baland bo‘yli, kulcha yuz,
Bo‘y-bo‘y juvon, sirli siyoqda.
Suyolmadik uni qilcha biz
Xudo suysin endi u yoqda.

Eshitaman tovushlarini
Borar jannat malaklariday.
Tuproq to‘la kovushlari-yu
Rangi o‘nggan ko‘ylaklarida...

Ruhim ko‘taradi bayroqlarini...
Dunyo kambag‘alni kamsitib, g‘ajib
Tag‘in boyitarkan boyroqlarini
Ruhim olib qo‘yar boshimdan tojni
 
OshiqYigitDate: Shanba, 15-Sen-2012, 01:20 | Message # 71
Yahshi tajribali
Group: Ishonchli
Messages: 113
Status:
O‘n sakkizga to‘lgan paytim,
Askar yigit bo‘lgan paytim —
«Xush, oy borib, omon qaytgin!»
Degandingiz non tishlatib.

Keng ko‘ksimga qo‘ygancha bosh,
Yuzingizni yuvgancha yosh,
«Burching o‘ta, berib bardosh»
Degandingiz ont ishtirib.

Harbiy xizmat o‘tib omon,
Burchim o‘tab qaytganim on —
«Yuzim yorug‘ etding, o‘g‘lon!»
Degandingiz dil xushlatib.
 
OshiqYigitDate: Shanba, 15-Sen-2012, 01:21 | Message # 72
Yahshi tajribali
Group: Ishonchli
Messages: 113
Status:
Mushtipar ham o‘zing, buyuk ham o‘zing,
Kuyinchak ham o‘zing, kuyuk ham o‘zing,
Olamga tatirlik suyuk ham o‘zing,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Seni To‘maris deb, maqtaganim bor,
Sen Temur beshigin tebratgan bedor,
Sensan Bibixonim, Nodirai zor,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Vatanni Ona deb bekor aytilmas,
Ona buyurganda yo‘ldan qaytilmas,
Sen o‘zing Ka’bamsan, Baytul muqaddas,
Payt keldi aytmoqqa, gapning xonasi,
Ey, o‘zbek onasi, o‘zbek onasi.
 
OshiqYigitDate: Shanba, 15-Sen-2012, 01:21 | Message # 73
Yahshi tajribali
Group: Ishonchli
Messages: 113
Status:
Boshingdan nimalar o‘tmadi axir,
Vatandek taqdiring bo‘ldi goh taxir,
Bobur shoh bo‘lsa-da, qoshingda faqir,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Kelajak toychog‘u toyingizdadir,
Jannat ham, albatta poyingizdadir,
Vatan-ku, Siz turgan joyingizdadir,
Payt keldi aytmoqqa, gapning xonasi
Ey, o‘zbek onasi, o‘zbek onasi.

Sizga ta’zim qilib turibman bu payt
Sizga baxshidadir eng shohona bayt,
Aziz Yurtboshingga duolaring ayt,
Payt keldi aytmoqqa, gapning xonasi
Ey, o‘zbek onasi, o‘zbek onasi.
 
OshiqYigitDate: Shanba, 15-Sen-2012, 01:21 | Message # 74
Yahshi tajribali
Group: Ishonchli
Messages: 113
Status:
Ka’ba qopqasida turgan, ey posbon,
Avval onalarning ochgin yo‘llarin.
Onalar poyiga tiz cho‘k o‘shal on,
Tavof qil, ko‘zga surt, o‘pgin qo‘llarin.

Hojar onamizning nidosi sabab
Ka’bada ko‘z ochgan Obi Zam-zam ham.
Bir umr talpinmish onaga qarab,
Ne-ne payg‘ambarlar ko‘zlarida nam.

Qavmimni ranjitib qo‘ymayin, ammo
Tobut yasab kelgan er zoti doim.
Onalar bag‘riga faqat beshik jo,
Hayotbaxsh allalar aytgan, muloyim.

Sho‘rlik odamzodning tolei uchun
Eng avval onalar qilsin ibodat.
Zora, gunohlardan pok bo‘lgay ochun,
Onalar o‘tinchi topib ijobat.

Ka’ba qopqasida turgan, ey posbon,
Avval onalarning ochgin yo‘llarin.
Onalar poyiga tiz cho‘k o‘shal on,
Tavof qil, ko‘zga surt, o‘pgin qo‘llarin
 
OshiqYigitDate: Shanba, 15-Sen-2012, 01:22 | Message # 75
Yahshi tajribali
Group: Ishonchli
Messages: 113
Status:
Kimdir savol berdi: - Aytgil, Muhammad,
Yolg‘iz sen Rasulsan butkul olamga.
Kimga ko‘p yaxshilik aylay, o‘zing ayt,
Ota-onamgami yoxud bolamga?

Rasul javob qildi: - Tingla, birodar,
Gapimni bir bora quloqqa ilgil.
Imkon topa olsang dunyoda agar,
O’ng avval onangga yaxshilik qilgil.

Bu hikmat sharhini o‘yladim uzoq .
Rostdan ona erur qiblai olam.
Garchi barchamiz ham padarmiz, biroq
Onadan tug‘ilgan payg‘ambarlar ham.
 
OshiqYigitDate: Shanba, 15-Sen-2012, 01:23 | Message # 76
Yahshi tajribali
Group: Ishonchli
Messages: 113
Status:
Tunda yozibman kimgadur she`rlar
Kimgadur o`zimni bag`ishlab har on
Muhabbat desalar berardimku jon
O`shanda unutdim sizni onajon.

Do`stimga ishonib sirim ham aytdim
Dushmanni hamma vaqt do`stim deb bildim
Yomonlik, razillik barchasin qildim
Sizni o`ylamadim bir dam onajon.

Do`st sirimni olamga yoyib ham bo`ldi
Ishonganim ustimdan kulib ham bo`ldi
Nahotki quvonib yi`glagan chog`da
Sizni o`ylamadim bir dam onajon.

Yuz o`girdi hatto o`z Do`stim
Va`dasin unutdi bevafolar ham
Boshimga tushdiku malomat toshi
Yolg`iz boshginamda yig`ladi onam.

Ko`zimni ochib qarasam shu choq
Yig`lab turar munis bir inson
Ko`zlaridan tutib so`rayman
Gunohkor o`g`lingni kechir ONAJON!..
 
OshiqYigitDate: Shanba, 15-Sen-2012, 01:23 | Message # 77
Yahshi tajribali
Group: Ishonchli
Messages: 113
Status:

Oro kirmay hayqirar, ingrar,
Og’rir goho butun vujudim.
Qaysar yurak to'xtovsiz yig'lar,
Onajonim...sizni S.O.G'.I.N.D.I.M!

Atrofimga alanglab tinmay,
"Kelarmikin..." uzoq kutaman.
Ursalar ham egilmay, sinmay,
Dardlarimni ichga yutaman.

Eshik qoqib o'tadi yillar,
Hayqiradi sog'ingan ko'ngil.
Boshim faqat shabboda silar...
Onajonim...sizni S.O.G'.I.N.D.I.M!

Meni kutar qabrim, bilaman,
Kovlashmoqda hozir tuprog'im.
Nahot,.. xayrlashmay ketaman...
Onajonim...sizni S.O.G'.I.N.D.I.M!

 
OshiqYigitDate: Shanba, 15-Sen-2012, 01:24 | Message # 78
Yahshi tajribali
Group: Ishonchli
Messages: 113
Status:
Ota meni o'ylab g'am ema,
Ko'nglim kuhna ovchining saydi
Meni bandi aylagan kema ,
Haliveri to'xtash bilmaydi

Kamalakka aylanar yo'lim
Goho g'amnok gohida sho'xman,
qaytishimni o'ylash kulgili,
Men miltiqdan otilgan o'qman

Manzilim qay kimning yuragi,
Xudo bilar qildingmi tusmol,
Qo'rqma mening sinmas kuragim
Qo'rqma mening o'ylarim halol.

Garchi qadah tuta boshladim,
Garchi qizlar tilin bilaman.
Meni mayxo'r deyolmas hechkim
Oshiqlari berib qo'ygan tan.

Ketmon emas qalamim ila
Kiprigimga ilaman erni,
Kechir meni otajon illo..
Portlab-portlab yashagim keldi.

Ketganim yo'q qishloqdan to'yib,
Ildizimni yaxshi bilaman.
Men zaminni kaftimga qo'yib
Bitta ulkan qishloq qilaman..

Faqat meni o'ylab g'am ema
Guldirakman ko'ngling bo'lsin to'q
Ota bo'lsang bilasan dema ,
Ota bo'lib ko'rganimcha yo'q
 
OshiqYigitDate: Shanba, 15-Sen-2012, 01:24 | Message # 79
Yahshi tajribali
Group: Ishonchli
Messages: 113
Status:

Beshigimni quchoqlab yotgan
Shirin-shirin allalar aytgan
Sabo yanglig o’pib uyg'otgan
Onajonim, sizga to’ymadim!

Siz ketdingiz, manzil- lomakon
Hamma ketar, ketar begumon
Ammo qoldi dilda bir armon:
Onajonim, sizga to’ymadim!

Yo’lingizda ko’zlarim qoldi
Aytilmagan so’zlarim qoldi
Ko’zimda yosh, bo’zlarim qoldi
Onajonim, sizga to’ymadim!

Der edingiz: “Ona qo’rg'oshin
Erib ketar ko’rsa ko’z yoshing”
Toshdan bo'lsin derdingiz boshing
Onajonim, sizga to’ymadim!

Orzulagan kunlariz keldi
Siz aytgan ul qut fayz keldi
Lek tilim lol dil ma'yus keldi
Onajonim, sizga toymadim

Yashayapman yaxshi yo yomon
Boshga tushsa ko’narkan inson
Mehringizga tashna bo'ldi jon
Onajonim, sizga to’ymadim!

Umid birlan yashaydi banda
Eh, ochilib bu sirli parda
Ko’rishtirsin endi mahsharda
Onajonim, sizga to’ymadim!
 
OshiqYigitDate: Shanba, 15-Sen-2012, 01:24 | Message # 80
Yahshi tajribali
Group: Ishonchli
Messages: 113
Status:
Onajon ruhingizda sog’inchlar kezmadimu,
Qabringizga bosh qo’ysam chechaklar sezmadimu,
Onajon jismingizni kesaklar ezmadimu,
Onajonim giryonim, g’arib ko’ngli vayronim,
Volidai sultonim mehribon onajonim.

Samolarda sor lochin, ayt nelarni izlaydi,
Ruhi ravon zabonim faqat sizni so’zlaydi.
Yuragimda bir qushcha onajon deb bo’zlaydi,
Onajonim giryonim, g’arib ko’ngli vayronim,
Volidai sultonim mehribon onajonim.

Siz baxsh etgan mehrni endi kimdan yig’ay man,
Siz sig’magan dunyoga endi qanday sig’ay man,
Davosi yo’q bu dardga endi qanday chiday man,
Onajonim giryonim, g’arib ko’ngli vayronim,
Volidai sultonim mehribon onajonim.

G’arib dunyo, g’o’r dunyo, peshonasi sho’r dunyo,
Sitamlaring bu jonga ozor bo’ldi, ko’p dunyo.
Onam yurgan yo’llarni gulga ko’mib yur, dunyo
Onajonim giryonim, g’arib ko’ngli vayronim,
Volidai sultonim mehribon onajonim.

Sarson qushim jon ko’nglim, buncha bo’lding qon ko’nglim,
Izingizdan zar to’kib, topolmay armon ko’nglim.
Sizni bir bor ko’rishga aylagum qurbon ko’nglim,
Onajonim giryonim, g’arib ko’ngli vayronim,
Volidai sultonim mehribon onajonim.

Fasli fano o’todir hayot otliq yelkanda,
Qabringizga bosh qo’ysam, tafti yonar yelkamda.
Qalb qo’ringiz, umringiz o’g’il-qizim erkamda,
Onajonim giryonim, g’arib ko’ngli vayronim,
Volidai sultonim mehribon onajonim.
 
OshiqYigitDate: Shanba, 15-Sen-2012, 01:26 | Message # 81
Yahshi tajribali
Group: Ishonchli
Messages: 113
Status:
Fozil qori Yosin o'g'li
Sen hayotlik chog’ida ota – onangni rozi qil,
Dunyodan o’tgach ular, so’ngra pushaymon aylama.
Olmading ko’nglin alarning, sen hayotlik chog’ida,
Endi afsus,nadomat,ohu afg’on aylama.

Intizor bo’lib kutardi, kelishing mushfiq onang,
Ko’rmoqqa vaqt topmading, endi armon aylama.
Qarisak boqqay debon, sendan umidvor erdilar,
Bir kelib hol so’rmadingku, endi giryon aylama.

Bor erdi imkon qo’lingda, ko’ngillarin shod etgali,
Qilmading rozi alarni, endi armon aylama.
Gar rizo qilsang alarni, bo’lg’ay edi Olloh rizo,
Rozilik so’rma Egamdin chashmi giryon aylama.

Bebaho bo’lgan duolarga xaridor bo’lmading,
Baxt bilan omadni endi,sen umidin aylama.
Bir ro’mol birlan choponga ota – oangnni olmading,
Go’riga marmar qo’yib,soxta saxovat aylama.

Ba’zi farzandlar kabi, xaizmatlarin sen qilmading,
Boy berib qo’yding bu imkonni, nadomat aylama.
To’rtta issiq non bilan ota – oangnni yo’qlamay,
O’lganida doshqozon osibon, riyoni sen aylama.

Bormi dunyoda ota birla onadek, mehribon,
Bilmading qadrin ularni, endi oh – voh aylama.
Qilmading hurmat va izzat ota birla onaga,
Endi sen ham hurmatu xizmatni orzu aylama.

Bor jahonda baxtiyor hurmatda bo’lgan zotlar,
Bil rizo qilgan otasin, sen hasratlar aylama.
Fozilo ota – onangning ruhini shod aylagin,
Hech qachon ota – onang ruhini muhtoj aylama.
 
OshiqYigitDate: Shanba, 15-Sen-2012, 01:26 | Message # 82
Yahshi tajribali
Group: Ishonchli
Messages: 113
Status:
Yolg‘iz tunlarimda uxlamay chiqsam,
Tongda quyosh kutib bossa hayajon.
Mehrimni ko‘z yoshdan bittalab yiqsam,
Yuborgim keladi Sizga onajon!

Dilimda gaplarim to‘planib qolgan,
Hech kimga aytmagan sirlarim bisyor.
Hattoki yuragim urishdan tolgan,
U Sizga talpinar, mushfiq onajon.

Boshimga kechalar yostiqar botsa,
Ishongan do‘stlarim sotsalar meni.
Saratonda yoshim kiprikda qotsa,
Dardlashgim keladi Siz-la , onajon.

Dunyo tashvishidan to‘ldi bardoshim,
Qo‘l siltab bariga, ketaymi, deyman.
Tizzangizga qo‘yib so‘ng dardli boshim,
Uxlagim keladi, munis, onajon

Mehribon tabassum ko‘zim o‘ngida,
Uxlasam quloqda allalaringiz.
Har qaqchon duoim boshu so‘ngida,
Albatta, Siz borsiz, aziz onajon.

Qalbingiz misoli bir ohanrabo,
O’zingiz ko‘kdagi porlagan quyosh.
Ovozingiz mayin, sahargi sabo,
Judayam sog‘indim, Sizni onajon.
 
OshiqYigitDate: Shanba, 15-Sen-2012, 01:26 | Message # 83
Yahshi tajribali
Group: Ishonchli
Messages: 113
Status:
Каламимга гариб сузлар жойланган,
Мехринг таъриф айламокка йук имкон.
Согинч дилга чуккан куюк ок туман,
Дийдор киёматга колган Отажон!

Йиллар аро ишонмадим руёга,
Бир кун сени кайтар дедим дунёга,
Куз олдимда йиллар утди пиёда,
Дийдор киёматга колган Отажон!

Тиззангга бош урмай кетдим уйимдан,
Ачик ёшлар хотирадир туйимдан,
Сен утганда кичик эдим углимдан,
Дийдор киёматга колган Отажон!

Уша куни билдим ота кадрини,
Келин булган отасизлар дардини,
Курсанг эди юрагимнинг рангини,
Дийдор киёматга колган Отажон!

Укинч нима мен биламан, армон не,
Суйиб, сийлаб ташлаб кетиш ёмон-эй,
Етти ховли тулди сендай инсон-эй,
Дийдор киёматга колган Отажон!

Жойинг билдирмай деб гам чекди онам,
Аммо оталиклар килганда байрам,
Айтгин, нечун менга килмасин алам,
Дийдор киёматга колган Отажон!

Чарклатиб ёкдик ортингдан чирок,
Етим эмас, Онам бизни килди тог,
Мухаббатдан яралганмиз кукси бог,
Дийдор киёматга колган Отажон!

Киёматга биздай мушток яна ким,
Жойнамозда дуойим бор куну-тун,
Жойинг жаннатларда булсин илойим,
Дийдор киёматга колган Отажон.
 
OshiqYigitDate: Shanba, 15-Sen-2012, 01:27 | Message # 84
Yahshi tajribali
Group: Ishonchli
Messages: 113
Status:
Monrealning sovuq tunida
Sizni qo'msab yig'ladim ona.
Begona yurt sovuq qo'ynida
Suratingiz bo'ldi parvona.

Onajonim, sizni keladi ko'rgim
Sizni chaqiraman alahlab tushda.
Bag'ringiz hidiga keladi to'ygim,
Uchib borolsaydim bir zumda qushdek.

Qush qanotlarini menga bersaydi
Olis Toshkentimga uchib ketardim.
Barcha tushlarimchi, o'ngidan kelsa,
Ettinchi osmonga bahtdan yetardim.

Sizni ko'p o'ylayman sovuq tunlari
Ko'zimdan o'tadi bir-bir yoshligim.
Hafa qilganlarim, dil ozorlarim,
Ahmoqlik sababi-bag'ritoshligim...

Qaltirib teraman uyim raqamin.
Go'shak ko'taradi sog'ingan onam.
Hol-ahvol so'rayman. Qarindosh-urug'
Hammasi salomat deb aytar onam.

Bir sukut saqlayman labimni tishlab,
Ko'zlarimdan oqar qatra-qatra yosh.
Onam gapiradi: "Bir so'z ayt, bolam.
Seni o'ylamagan kunim yo`q, bolam.

Bugun ketganingga bo'ldi uch yuz kun,
Kelishingga qoldi atigi uch kun.
Yuragim hamriqib seni kutadi.
Duolab chiqarman, yolg'izim, har tun.

Umring uzoq bo'lsin, deb yig'lar onam.
Mening qo'shilishib yig'lagim kelar.
Jonim onam bilan, bu murda tanam
Goh-gohi yig'idan silkinib ketar.

Ikki minut qoldi, deyman baqirib,
Jonholatda onam derlar hapqirib:
Allohim umringni ziyoda qilsin,
Peshonangdan ming bor o'pib qolarman.

Yana uvvos solib yig'i boshlayman.
Bu gal ham aytmadim, men ahmoq farzand:
Sizni olamlardan aziz ko'raman
Sizdan hayotim chun umrbod qarzman.

Yana uch kun qoldi sizni ko'rishga
Yana uch kun berdi Alloh sinovga
Uch kunlik sog'inchim, onajonginam
Uch asrlik bo'lib tuyular menga...
 
OshiqYigitDate: Shanba, 15-Sen-2012, 01:27 | Message # 85
Yahshi tajribali
Group: Ishonchli
Messages: 113
Status:
Onajonim, Sizni juda sog'indim Men!
Boringizda eng baxtliga yaqindim Men,
Hatto 'Baxt Yurt' taxtlarida tag'indim Men,
Endi esa yo'l yo'qotib qoqindim Men,
Onajonim, Sizni juda sog'indim Men!

Meni oldga yetaklagan qo'lsiz qoldim,
Endi yolg'iz odimlashdan holsiz toldim,
O'chib Quyosh, chiqmayin Oy, yo'lsiz qoldim,
Onajonim, Sizni juda sog'indim Men!

Onajonim, Egam Sizni afuv etsin!
Duom tinglab gunohingiz mahv etsin!
Biror dona gunoh qolmay o'chib ketsin!
Onajonim, Sizni juda sog'indim Men!

Egam Sizga jannatidan joylar bersin!
Bog' va uning atrofida soylar bersin!
Menga Sizla bo'lish uchun oylar bersin!
Onajonim, Sizni juda sog'indim Men!

Xizmatingiz keragicha qilolmadim,
Duongizni istagandek ololmadim,
Uzoq yillar Sizla birga bo'lolmadim,
Onajonim, Sizni juda sog'indim Men!

Jasur hamda matonatli edingiz Siz,
Bizga doim "To'g'ri bo'ling!" dedingiz Siz,
Sizsiz ona, qolib ketdim Men dengizsiz,
Onajonim, Sizni juda sog'indim Men!

Hayot ekan, yana olg'a yuraman Men,
Neni buzib yana nelar quraman Men,
Sizsiz ammo, doim kamdek turaman Men,
Onajonim, Sizni juda sog'indim Men!

Ketdingizu, Menga duo qilguvchi kam,
O'g'lingizni Sizdek sira bilguvchi kam,
Sizdan keyin yuzlariga kulguvchi g'am!
Onajonim, Sizni juda sog'indim Men!

Sog'indim Men Sizda bo'lgan zakovatni,
Sog'indim Men so'zi shakkaru - novvotni,
Tili, dili hamisha poku - obodni,
Onajonim, Sizni juda sog'indim Men!

Duo etgum Sizni jannatda ko'ray deb,
To'g'ri yurgum, toki jannatga kiray deb,
So'ragum Siz birla jannatda turay deb,
Onajonim, Sizni juda sog'indim Men!

Bilingizlar, Ona qimmat - bebahodir,
Hayotlikda hurmatin etgan dahodir,
Rizosin olganchi? Bu - yutgan bahodir!
Onajonim, Sizni juda sog'indim Men!


 
OshiqYigitDate: Shanba, 15-Sen-2012, 01:28 | Message # 86
Yahshi tajribali
Group: Ishonchli
Messages: 113
Status:
Eng ulug’lardan ulug’ insonlar insoni ona!
Oyu kundan ham munavvar husni nuroniy ona!

Mehribonlar mehriboni yaxshilarning yaxshisi,
Mehru shafqat olamining yuksak osmoni ona!

Garchi nomidir ayolu qudratidir bemisol,
Tarbiyat mulkin zabardast mardi maydoni ona!

Qalbi daryo, oliyhimmat, har saxiydan ham saxiy,
Ya’ni g’amxo’rlik diyorin toza vijdoni ona!

Bag’ri bog’ sahniyu, farzand sunbulu rayhonu gul,
Bu hayot dunyosining eng katta bog’boni ona!

Arzimas bir jon uni ming jon fidosi bo’lsa ham,
Sadqai farzandlarin har lahza qurboni ona!

Onadek farzandin qadriga yetar olamda kim?
Har qadrdondan qadrdonroq qadrdoni ona!

Yaxshi farzand onasin aylar rizo, aylar rizo,
Davlati ham baxti ham, darmoni ham joni ona!

Onajon deb sayragay qushlar chamanda, Chustiyo,
Sayragin bulbul dilimning she’ru dostoni ona!
 
DURDONDate: Shanba, 10-Noya-2012, 01:34 | Message # 87
SUPER ADMINKA
Group: Admin yordamchisi
Messages: 10134
Status:
Onajonim

Yo'llarimga qarab qolgan Onajonim.
Bu dunyoda mening yolg'iz mexribonim,
Ko'zim uchdi sog'indizmi Jonajonim.
Meni kimham sog'inardi sizdan bo'lak.

To'g'ri yo'llar ko'rinib tor,
Har kimlarga ko'ngil berib sig'inibman.
Sizdan bo'lak men barchani sog'inibman.
Meni kimham sog'inardi sizdan bo'lak.

Sog'indim deb aytgan yolg'on aytar ekan.
Vaqti kelsa do'st ham sotib ketar ekan.
Yig'lay desam diydam qotib ketgan ekan .
Meni kimham sog'inardi sizdan bo'lak...


 
OSIYODate: Yakshanba, 16-Dek-2012, 14:36 | Message # 88
Peshqadam
Group: Ishonchli
Messages: 7125
Status:
yahshi she'rlar ekan rahmat
 
DURDONDate: Seshanba, 18-Dek-2012, 11:45 | Message # 89
SUPER ADMINKA
Group: Admin yordamchisi
Messages: 10134
Status:
Қариган чоғингиз мен ташлаб кетдим,
Хизматингиз қилолмай кўз ёшлаб кетдим.
Куфр зулмин кўриб, қўл муштлаб кетдим,
Дуоингиз ола олмай лаб тишлаб кетдим.
Эслайман бошимга қўлингиз қўйиб,
Дуо қилардингиз эркалаб, суйиб.
Эркаланиб яйрардим мен тўйиб-тўйиб,
Менга куярдингиз, ўзингиз қўйиб.
Болам бахтли бўлсин ҳар доим дебон,
Ўтдан-чўққа ўзни урдингиз ҳар он.
Бўлдингиз соябон, бўлдингиз қалқон,
Ўсдим бағрингизда ғам билмай шодон.
Не қилай бу дунё зулмга тўлди,
Муслима сингиллар тажовуз бўлди?!
Гуноҳи – Аллоҳни якка деб билди,
Бу кунда сабримнинг косаси тўлди.
Улуғ мақсад йўлда белни боғладим,
Аллоҳ, Расул (с.а.в.) йўлига ўзни чоғладим.
Олий Калом учун қурол ёғладим,
Шу боис бағрингизни мен доғладим.
Сизларга муносиб бир ўғлон бўлай,
Жангларда ё Умар, ё Усмон бўлай!
Алидек, Ҳамзадек эр-арслон бўлай,
Фирдавсда сиз билан ёнма-ён бўлай!
Мендан рози бўлинг, азиз отажон,
Мендан рози бўлинг, мўнис онажон.
Менга дуо қилинг, азиз отажон,
Менга дуо қилинг, мўнис онажон.


 
SAKINADate: Dushanba, 21-Yan-2013, 11:36 | Message # 90
Peshqadam
Group: IJODKOR
Messages: 2592
Status:
ONAM

Oy kabi qoshimda parvonam – onam,
Oftobdek mehrda yagonam – onam.
Boshimga tilla toj, ko’nglimga taskin,
Tunu kun tilimda shukronam – onam.

Oltin-kumush asli – tosh bo’lar ekan.
Onasizning ko’zi yosh bo’lar ekan.
Onasi bor – doim yosh bo’lar ekan,
Mehr ummonida durdonam – onam,

Qayga borsam yo’ldosh, hamroh taftingiz,
Sizdan baxt topdim, siz nima topdingiz?
Mudom manglayimda iliq kaftingiz,
Tole’imdan yorug’ peshonam, onam.

Yonimda qizim deb tursangiz, ona,
Yashayman g’amlardan g’olib, mardona.
Kelsangiz yuksalar g’arib ostona,
Ketsangiz mung’ayar koshonam, onam

Ko’rdim dunyo yetti mo’’jizasini,
Topmadim qalampirmunchoq isini.
Ko’zlarimga suray bosgan izini,
Jannat bog’laridan nishonam, onam!
 
Forum » ARXIV » Yopilgan mavzular » Kutubxona » OTA-ONA-larimiz haqida sherlar (<<c>>)
Search: